IL-BANDA TAGĦNA FIL-FESTA TA’ SAN PAWL TAL-MUNXAR

Nhar il-Ħadd li għadda il-Banda Ċittadina La Stella bdiet is-servizzi tagħha tas-Sajf. Is-servizz kien jikkonsisti f’marċ minn Triq San Pawl sal-pjazza fejn il-Banda sabet postha fuq il-planċier biex tesegwixxi l-Innu l-Kbir ta’ San Pawl (1965-2015), kompożizzjoni tas-Surmast Direttur il-Prof. Joseph Vella. Dan l-innu din is-sena għalaq ħamsin sena.Wara, l-Banda għamlet programm b’mużika varjata fejn daqqet biċċiet minn soundtracks popolari u oħrajn klassiċi.  Matul is-serata il-Banda kienet taħt id-direzzjoni tal-Assistent Surmast Sigmund Mifsud.