CLARINET & EUPHONIUM RECITAL
Bħala parti mill-Festival Mediterranea 2014, illejla kellna kunċert ta’ livell għoli ħafna fil-Kempinski Hotel San Lawrenz. Il-kunċert kien jikkonsisti f’recital minn żewġ bandisti tal-Banda La Stella, Mario Galea fuq il-klarinett u George Camilleri fuq l-euphonium.
Mario Galea daqq il-kunċert Solo de concours op.10 ta’ Henri Rabaud u l-Grand duo concertant op.48 ta’ C.M.von.Weber. Mario kien akkumpanjat fuq il-pjanu minn Rosanne Busuttil-Bellizzi. George Camilleri daqq il-Euphonium Concerto ta’ Karl Jenkins. Huwa kien akkumpanjat fuq il-pjanu minn Sofia Narmania.
Il-kunċert beda fis-7.30pm quddiem sala ppakkjata bin-nies kif jixdhu r-ritratti. Prosit tassew lil dawn iż-żewġ bandisti tagħna għall-esekuzzjoni tajba mmens tal-biċċiet li daqqew.
