SERVIZZ FIL-FESTA TAS-SALVATUR

Nhar il-Ħadd li għadda l-Banda Ċittadina La Stella ħadet sehem fil-festa tal-Għasri.  Is-servizz kien jikkonsisti f’marċ qasir sal-pjazza fejn imbagħad assistit għall-ħruġ fil-bieb tal-istatwa ta’ Kristu Salvatur. Il-banda tagħna akkumpanjat il-purċissjoni madwar it-toroq ta’ dan ir-raħal ċkejken sakemm l-istatwa reġgħet bdiet dieħla fil-knisja fost kant ta’ innijiet reliġjużi.  Matul il-purċissjoni l-Banda daqqet diversi marċi reliġjużi mir-repertorju mużikali tagħha.  Nhar is-Sibt u l-Ħadd li ġej ikomplu s-servizzi tagħna fil-Fontana għall-festa tal-Qalb ta’ Ġesu.