SERVIZZ FIL-FESTA TA’ SAN LAWRENZ

Nhar il-Ħadd 11 ta’ Awwissu jmiss servizz ieħor mill-Banda Ċittadina La Stella, din id-darba ġewwa r-raħal ta’ San Lawrenz għall-festa titulari ta’ San Lawrenz.

Il-banda tibda s-servizz fis-7.30pm fil-pjazza fejn wara li ssib postha fuq il-planċier tibda bl-eżekuzzjoni tal-innu l-kbir, kompożizzjoni tas-Surmast Giuseppe Giardini Vella. Wara l-ħruġ tal-purċissjoni bil-istatwa ta’ San Lawrenz il-banda tagħna tagħmel programm b’biċċiet varjati meħuda mir-repertorju mużikali tagħha. Il-Banda Ċittadina La Stella se tkun taħt id-direzzjoni tas-Surmast Dr John Galea.

Minn din il-paġna nixtiequ nwasslu l-awguri tagħna għall-festa mill-aqwa fir-raħal ta’ San Lawrenz.