L-AĦĦAR TISLIMA: KUNĊERT BIL-MARĊI FUNEBRI TAL-PROF. VELLA
Nhar il-Ħamis 22 ta’ Marzu 2018, fil-Bażilika ta’ San Ġorġ se jsir kunċert mill-Banda Ċittadina La Stella bl-isem “L-Aħħar Tislima”. Matul il-kunċert se jindaqqu għażla ta’ marċi funebri tal-Professur Joseph Vella, li xi wħud minnhom imorru lura fis-snin filwaqt li oħrajn inkitbu aktar riċenti, fostom l-aħħar wieħed miktub ftit qabel ma ħalliena. L-għażla għal dan il-kunċert waqgħet fuq dawn it-tmienja li kollha kemm huma sbieħ ħafna.
- In Memoriam Fredu Spiteri
- In Memoriam George Camilleri
- Lil Missieri s-Surmast Ganni Vella
- Lill-Ħbieb Tiegħi Qatt Minsija
- In Memoriam Agostino Camilleri
- In Memoriam Melchiorre Cassar
- Lil Ommi
- Lil Nenu Tagħna
Il-kunċert se jkun taħt id-direzzjoni ta’ Mro Noel Beck u jibda fit-8pm. Kulħadd huwa mistieden jattendi u d-dħul għall-kunċert se jkun b’xejn.
Intant infakkru wkoll li c-CD li jġib l-istess isem “L-Aħħar Tislima” jinsab għall-bejgħ mill-Kazin La Stella. Aktar informazzjoni fuq ic-CD f’din il-link.