KUNĊERT OPERISTIKU U ESEBIZZJONI DWAR GIACOMO PUCCINI

Matul ix-xahar ta’ Novembru, il-Fundazzjoni Classique se tkun qed ittella’ żewġ attivitajiet kulturali u mużikali ta’ livell għoli ġewwa t-Teatru Astra: esebizzjoni u kunċert operistiku bit-tema prinċipali tkun il-kompożitur Taljan Giacomo Puccini.

Esebizzjoni: Giacomo Puccini’s life and work

Nhar il-Ħadd 9 ta’ Novembru 2024 fil-11.00am se tiġi inawgurata esebizzjoni interessanti dwar Giacomo Puccini fl-okkażjoni tal-mitt anniversarju mill-mewt tal-kompożitur Taljan.  Isem Puccini huwa magħruf fost dawk li jħobbu l-opra lirika u d-diversi arias li kkompona. Uħud mill-aktar opri popolari li saru f’Malta u Għawdex insibu Tosca, La Boheme u Madama Butterfly.  Din l-esebizzjoni, bl-isem Giacomo Puccini’s life and work, se jkun fiha ħafna informazzjoni u riċerka dwar il-kompożitur, kemm fuq dak li għandu x’jaqsam max-xogħolijiet tiegħu kif ukoll dwar il-ħajja personali.  L-esebizzjoni se jkun fiha diversi memorabilia u ritratti interessanti.  Il-wirja hija organizzat mill-Fundazzjoni Classique u hija taħt il-kura u r-riċerka ta’ Mro Joseph Debrincat.  L-esebizzjoni se tkun miftuħa mill-Ħadd 10 ta’ Novembru fil-11:00am sas-Sibt 23 ta’ Novembru, ġewwa t-Teatru Astra Cultural Hub.  Id-dħul għall-esebizzjoni huwa b’xejn u kulħadd huwa mistieden jattendi.

Puccini 100 Anniversary Concert

Minbarra l-esebizzjoni, il-Fundazzjoni Classique se tkun qed ittella’ kunċert operistiku kbir fit-Teatru Astra, nhar is-Sibt 16 ta’ Novembru fis-7:30pm.  Ir-repertorju magħżul għal dan il-kunċert se jinkludi arias popolari, dwetti u numru ta’ siltiet oħra mill-opri ta’ Puccini.  Il-kunċert se jkollu l-parteċipazzjoni tat-tenur u s-sopran ta’ fama internazzjonali Gregory Kunde u Erica Grimaldi u s-sehem tal-Orkestra Nazzjonali ta’ Malta taħt id-direzzjoni tas-Surmast Joseph Debrincat, li huwa wkoll id-direttur artistiku u fundatur tal-fundazzjoni Classique.   

Għal dan il-kunċert operistiku għad fadal xi biljetti Ii jistgħu jinxtraw minn fuq https://www.teatruastra.org.mt/events/2024/puccini-100-anniversary-concert