IL-PLAY “DOUBT” FIT-TEATRU ASTRA

Festival Mediterranea 2014 se jintemm fi tmiem il-ġimgħa li ġej bil-preżentazzjoni ta’ dramm Doubt ta’ John Patrick Shanley.  Id-dramm se jsir fit-Teatru Astra nhar is-Sibt 22 u l-Ħadd 23 ta Novembru 2014 fis-7pm.

Il-play Doubt saret għall-ewwel darba fl-2004 u tnediet fil-Manhattan Theatre Club fl-Amerika. Din il-play saret 525 darba u rebħet bosta premijiet prestiġġjużi.  Il-play aktar tard saret film b’artisti importanti bħal Philip Seymour Hoffman u Meryl Streep.

Il-play teħodna lura fi skola fi Bronz fl-1964 fejn tlaqqana mal-personaġġi ta’ Father Flynn, Sister Aloysius, Sister James u Mrs Muller.  Il-partijiet se jkunu maħdumin minn George Camilleri, Maria Schembri, Julia Camilleri u Paula Harris Cassar rispettivament.  Il-play se tkun taħt id-direzzjoni ta’ Mario Tabone.

Il-biljetti jinsabu għall-bejgħ bil-prezz ta’ €5 u jistgħu jinxtraw mill-Bar tat-Teatru Astra.  Aktar informazzjoni tista’ tinkiseb fuq 21550985 jew [email protected].  Dawn ir-rappreżentazzjonijiet se jsiru fil-weekend meta l-Gozo Channel se tkun bil-prezzijiet tal-biljetti ridotti fuq inizjattiva tal-Ministeru għal Għawdex.

(Ritratti: Tonio Schembri)